Sas noas editoriales de s’Istitutu Bellieni

7 Aprile 2017

1077

Su cd “Càntigos de sa terra mia” de Valentino Giuliano Mocci, 1° classificadu in su Prèmiu “Si moves sa Limba, sa Limba ti Movet” .

Noe cantones in su surcu de su connotu canoru e musicale isolanu, tres de custas in italianu, totu cumpostas e musicadas dae Mocci matessi, interpretadas cun una boghe e una tècnica chitarrìstica a primore.

Su cd est istadu contivizadu ed editadu dae s’Istitutu de Istùdios e Chircas “Camillo Bellieni”, cun su contributu de sa RAS, Assessoradu de sa Cultura e de sa Pùblica Istrutzione.

Pro rechestas e informatziones si cherides àere còpias bos podides bortare a s’Istitutu Bellieni telefonende a su 079/230268 o iscriende a: istitutobellieni@gmail.com.

“QUADERNI DI FILOSOFIA” N°1 2016

In custu primu cartulàriu amus publicadu calicunu de sos temas tratados in su Seminàriu de Filosofia Pràtica ammaniadu, in s’annualidade 2015, dae Michele Pinna e Daniela Masia Urgu,chi ant contivizadu fintzas s’editzione de custos materiales.
Sos argumentos tratant sos temas chi sighint: “Conosci te stesso”, “L’identità individuale e comunitaria”, “Noi e gli altri”, “Percorsi di filosofia critica”.

SESUJA

Bessint a campu in custu nùmeru de sa rivista de s’Istitutu Bellieni, lòmpida a sos 31 annos de vida, unos cantos interventos giai publicados in sa rubrica chidongiana “Sesuja” de “SardegnaDies”, in s’annualidade 2015.
Chie cherferet collaborare cun sàgios, artìculos e retzentziones podet imbiare sos iscritos suos, siat in sardu siat in italianu, a sesuja@istituto-bellieni.it.
Sos testos ant a èssere publicados, a pustis de su benestare de sa redatzione, in sa pàgina online de Sesuja, in su situ de s’Isitutu (http://www.istituto-bellieni.it), e posca in su nùmeru impabiladu chi at a bessire intro su mese de Nadale de su 2017.