S’ABBA E SU CHELU

11 Maggio 2017

478

Sunt abertas sas iscritziones a sos laboratòrios in sardu “Su chelu in Sardu” – Laboratòriu de astronomia populare sarda e “Abba e biddas” – Indivisìbile raportu intre s’òmine e s’abba.

“Abba e biddas” – Indivisìbile raportu intre s’òmine e s’abba” sàbadu 20 e chenàbura 26 de Maju de su 2017 dae sas 16:30 a sas 19:30, a incuru de su Dut. Enrico Campana (Linguista).

Su laboratòriu punnat a dare sa possibilidade de connòschere mègius s’istòria e sa geografia de Tàtari sighende s’òrmina de sos rios chi cun s’abba issoro ant contribuidu a sa nàschida e a s’isvilupu de sa tzitade. Su primu adòbiu at a èssere teòricu e de connoschèntzia imbetzes su de duos previdit una bessida a sa badde de su Rosello, a Pozzu di Bidda e in sa badde de su Bùnnari.

“Su chelu in Sardu” Laboratòriu de astronomia populare sarda, lunis 26 de Làmpadas de su 2017 dae sas 17:00 a sas 20:00 e gioja 29 de Làmpadas de su 2017 dae sas 19:30 a sas 22:30, a incuru de su Dut. Fabrizio Pedes (Astrofìsicu).

Su laboratòriu previdit una letzione teòrica a pitzu de sas bases de astronomia, de s’astronomia populare sarda e su fràigu de unu trastu (s’astrolàbiu) de impreare sa segunda die in sa cale s’at a pònnere in pràtica su chi s’est imparadu sa prima die pro mèdiu de s’osservatzione de sa calada de su Sole, de sos primos Isteddos, de sa Luna e sos Pranetas e de sas Costellatziones chi si mustrant a sero.

Sos laboratòrios, de 6 oras cada unu, partzidas in 2 dias de 3 oras, sunt pro totu e ant a èssere in sardu.
A sa congruida at a èssere dadu un atestadu a sos partetzipantes.

Pro nde ischire de prus e pro s’iscrìere: istitutobellieni@gmail.com o 079/230268 dae su lunis a sa chenàbura dae sas 10 a sa 1 de mangianu.